|
Türkiyənin Çeşmə kurort şəhərində şahmat üzrə beynəlxalq
open-turnir keçirilir.
1 nömrəli İxtisaslaşdırılmış Olimpiya Ehtiyatları
Uşaq-Gənclər Şahmat-Dama Məktəbinin direktoru Natiq
Ələkbərovdan aldığımız məlumata görə, turnirdə
Azərbaycan, Türkiyə, Latviya, Ukrayna, Gürcüstan,
Bolqarıstan, Türkmənistan, İordaniya və İraqdan 55
şahmatçı, o cümlədən 9 qrossmeyster iştirak edir.
Azərbaycan idmanının şərəfini qrossmeyster Vüqar Rəsulov
(2512), beynəlxalq ustalar Zaur Məmmədov (2453), Kamal
Ağasıyev (2401), Misrəddin İsgəndərov (2396), Orxan
Abdulov (2336), Nərmin Kazımova (2192) və Kənan Hacıyev
(1944) qoruyur.
Çeşmə turnirində 6 turdan sonra 5,5 bal toplamış
Azərbaycan nümayəndəsi Vüqar Rəsulov liderlik edir.
Bolqarıstanlı Vladimir Petkov liderdən yarım xal, daha
üç oyunçu bir xal geri qalır. Misrəddin İsgəndərov və
Zaur Məmmədov liderdən 1,5 xal geri qalanlar
arasındadırlar. Orxan Abdulovun aktivində 3,5 xal var.
Kamal Ağasıyev 3 xal, Kənan Hacıyev və Nərmin Kazımova -
hərəyə 2,5 xal toplamışlar.
İsveçrə sistemi üzrə keçirilən bu beynəlxalq turnir 9
turdan ibarət olacaqdır.
Rəşad RAMAZANOĞLU,
"Azərbaycan müəllimi" |
