|
 Aprelin
7-də ümummilli lider Heydər Əliyevin anadan
olmasının 88-ci ildönümü ilə əlaqədar Bakı
Şəhəri üzrə Təhsil İdarəsinin Xətai - Suraxanı
bölməsinin tarix fənni üzrə seminarı keçirilib.
Seminarda Xətai-Suraxanı bölməsinin metodistləri
və tarix müəllimləri iştirak ediblər.
Seminarda Xətai - Suraxanı bölməsinin
metodistləri K.Həsənova, M.Şərifov və tarix
müəllimləri çıxışlarında qeyd ediblər ki, Heydər
Əliyev irsinin öyrənilməsi müəllimlərin ən
önəmli vəzifələrindən biridir. Hər bir müəllim
müasir Azərbaycan dövlətinin banisi Heydər
Əliyevin siyasi irsini öyrənməli və onu
dərslərində tətbiq etməlidir.
Çıxış edənlər Azərbaycan Respublikasının dövlət
müstəqilliyinin bərpasının 20-ci ildönümü ilə
əlaqədar məktəblərdə milli vətənpərvərlik
tədbirlərinin keçirilməsi və ümummilli lider
Heydər Əliyevin Azərbaycan dövlətçiliyinin
möhkəmləndirilməsi və inkişafında göstərdiyi
misilsiz xidmətlərindən danışıblar.
 Sonra
Bakıdakı 171 nömrəli orta məktəbin tarix
müəllimi Həcər Əlişova çıxış edərək qeyd edib ki,
dövlətin yaranmasında, təşəkkülündə şəxsiyyət
doğrudan da çox böyük rol oynayır. Bu, öz
müstəqil dövlətini yaradan ölkələr üçün daha çox
xarakterikdir.
Bildirildi ki, ikinci dəfə xalqın iradəsi ilə
hakimiyyətə qayıdan Heydər Əliyevin Azərbaycanın
müstəqilliyinin təminatçısı və dövlətinin
qurucusu kimi gördüyü tarixi işlərdən biri də
vahid Azərbaycançılıq ideologiyasını
yaratmağıdır. Heydər Əliyevin əsas məqsədi dünya
azərbaycanlılarını müstəqil Azərbaycan
Respublikası ətrafında birləşdirmək və qüvvəsini
dövlətçiliyimizin inkişafına sərf etməkdən
ibarət idi.
Bakıdakı 257 nömrəli məktəbin müəllimi Bəxtiyar
İsrafilov, 55 nömrəli məktəbin müəllimi Zümrüd
Həzrətquliyeva, 95 nömrəli məktəbin müəllimi
Nigar Əliyeva və 265 nömrəli məktəbin müəllimi
Elçin Mirzəbəyovun da mövzu ilə bağlı maraqlı
çıxışları dinlənilib.
Şakir CƏFƏROV |
