|
 Türkiyə
Cümhuriyyətinin İstanbul Universitetinin iqtisad
fakültəsinin müəllimi, professor Nevzat
Yalçıntaş və bir qrup nümayəndə Naxçıvan Dövlət
Universitetində oldu. Qonaqlar universitet
ərazisini gəzərək buradakı maddi-texniki baza,
təhsil sistemi ilə yaxından tanış oldular.
Heyətlə keçirilən görüşdə rektor, akademik İsa
Həbibbəyli eyni soykökə malik türk xalqlarının
əbədi və əzəli birliyindən, türk dünyasının iki
böyük siyasi lideri Mustafa Kamal Atatürk və
Heydər Əliyevin birlik ideyalarının bu gün də
uğurla davam etdirilməsindən danışdı. Vurğulandı
ki, Naxçıvan Dövlət Universiteti Türkiyə
Cümhuriyyətinin əksər universitetləri ilə
çoxcəhətli tərəfdaşlığa malikdir.
Sonra professor Nevzat Yalçıntaş səfər
təəssüratlarını məmnunluqla bölüşdü, "XXI əsrdə
türk birliyi" mövzusunda məruzə etdi. Qeyd
olundu ki, 90-cı illərdə demokratik proseslərin
inkişafı, sovet imperiyasının süqutu türkdilli
dövlətlərin milli müstəqilliyə qovuşmasına, öz
tarixi köklərinə, milli mənsubiyyətlərinə
qayıtmasına sürətli təkan verdi. XXI əsrin
əvvəllərindən etibarən türk dünyasının mənəvi,
siyasi, iqtisadi birliyi istiqamətində
əhəmiyyətli addımlar atılmaqdadır. Natiq
türkdilli ölkələrin dövlət başçılarının IX və X
zirvə torlantılarının əhəmiyyətindən, 2009-cu
ildə Türkdilli Dövlətlərin Əməkdaşlıq Şurasının
yaradılmasından, 2010-cu ildə Şimali Kirrdə "XXI
əsrdə türk dünyası" simroziumunun
keçirilməsindən, müasir dövrdə türk birliyinin
mövcud reallıqlarından və gələcək
rersrektivlərindən bəhs etdi. Məruzəçi
xatırlatdı ki, qardaş Türkiyə Azərbaycanın milli
müstəqilliyinin, ərazi bütövlüyünün, siyasi
maraqlarının müdafiəsinə hər zaman dəstək
olacaq. Sonda professor Nevzat Yalçıntaş öz
yeni əsərlərini hədiyyə etdi.
Mehriban SULTAN |
|
